2015-imi aalisarneq pissutaalluni suliffeqarneq siuariarpoq
2015-imi agguaqatigiissillugu najugaqavissut 25.620-t qaammammut suliffissaqartarsimapput, ukiup siulianut sanilliullugit 453-inik amerlanerulersimapput. Naatsorsueqqissaartarfiup qaammatikkaartumik saqqummersittagai Suliffissarsiortutut nalunaarsukkat takutimmassuk 2015-imi suliffeqarnermi pissutsip ajunngitsumik ingerlanera. Taamaakkaluartorli sumiiffimmiit sumiiffimmut suliffeqarnerup ineriartornera assigiinngiiaartorujussuuvoq, nuna tamakkerlugu suliffeqarfiit isigissagaanni ineriartorneq ajunngitsumik ingerlagaluartoq sumiiffiit ilaanni suliffeqarneq ingerlanerluppoq.
Tabel 1. Agguaqatigiissillugu qaammammut sulineq inuussutissarsiutinut immikkoortillugit (inuit amerlassusaat)
|
2013 |
2014 |
2015 |
Allannguut 2014-2015 |
Tamakkerlugit.................... |
25.461 |
25.167 |
25.620 |
453 |
Aalisarneq, piniarneq nunalerinerlu...... |
3.548 |
3.640 |
4.085 |
445 |
Aatsitassanik piiaaneq............... |
128 |
110 |
124 |
14 |
Suliffissuaqarneq.................... |
235 |
225 |
234 |
9 |
Nukissiuuteqarneq imeqarnerlu......... |
392 |
382 |
380 |
-2 |
Sanaartorneq sanaartorfigissaanerlu.... |
1.872 |
1.720 |
1.844 |
124 |
Niuerneq.......................... |
3.045 |
2.918 |
2.890 |
-28 |
Akunnittarfiit neriniartarfiillu.......... |
806 |
742 |
762 |
20 |
Angallassineq/assartuinerlu........... |
2.583 |
2.499 |
2.445 |
-54 |
Inuussutissarsiortunik kiffartuussineq.... |
1.500 |
1.422 |
1.332 |
-90 |
Pisortat allaffissornerat kiffartuussinerallu 1 .................................. |
9.895 |
9.826 |
10.307 |
481 |
Kiffartuussinerit allat................ |
865 |
890 |
914 |
24 |
Paasissutissartaqanngitsut 1 ........... |
591 |
792 |
301 |
-491 |
Malugiuk: Paasissutissani taamaallaat pineqarput innuttaasut naatsorsuiffiup ukiuata aallartinnerani naaneranilu Kalaallit Nunaanni najugaqartut. 12015-imi datat atorneqartut pitsanngoriarnerat pissutaalluni Paasissutissartaqanngitsut-ni inissisimasut ikileriarujussuarput. Maanna inuussutissarsiutinut immikkoortiterinermut ilanngunneqarsinnaalersut amerlanersaat naalagaaffimmi atorfiupput (ass. Politiini aamma Pinerluttunik isumaginnittoqarfinni), suliffiit taakku 2015-i aallarnerfigalugu Pisortat allaffissornerat kiffartuussinerallu-mut nuunneqarput. Suliffiit Pisortat allaffissornerat kiffartuussinerallu-mi inissisimasut amerlinerat teknikikkut aaqqiinnermik pissuteqarpoq, naatrorsuutigineqarporlu 2014-imi aamma 2015-imi amerlaqatigiippajaaginnarsimanissaat. |
Inuussutissarsiut Aalisarneq, piniarneq nunalerinerlu agguaqatigiissillugu qaammammut suliffinnik 445-nik amerlisimallutik amerliffiunerpaasimapput.
Aalisartut, piniartut nunaatillillu saniatigut suliffiit taakkununnga tunngasunik suliaqartut, soorlu aalisakkeriviit aamma toqoraaviit inuussutissarsiummut tassunga ilaapput. Amerlanersaat aalisartuupput aamma aalisarnermut tunngasunik nunami suliaqartuullutik.
2014-imiit 2015-imut suliffiit inuussutissarsiummi Sanaartorneq sanaartorfigissaanerlu-mi aamma amerlingaatsiarsimapput 124-inik amerlisimagamik. Tabel 1-imi takuneqarsinnaavoq 2015-imi inuussutissarsiutit ilaat siuariarfiusimanngitsut. Ingammik Inuussutissarsiutinik kiffartuussisut aamma Angallassineq/assartuineq—mi suliffiit ikilisimapput.
Tabel 2. Suliffiit aamma suliffissarsiortutut nalunaarsukkat distriktinut immikkoortillugit (kommuniusimasunut)
|
Qaammammut agguaqatigiissillugit suliffiit amerlassusaat |
Qaammammut agguaqatigiissillugu suliffissarsiortutut nalunaarsukkat |
Allannguut 2014-2015 |
|||||
|
2014 |
2015 |
2014 |
2015 |
Suliffiit |
Suliffissarsiortutut nalunaarsukkat |
||
Nuna tamakkerlugu 1 |
25.167 |
25.620 |
3.761 |
3.456 |
453 |
-305 |
||
Nanortalik |
654 |
669 |
163 |
165 |
15 |
2 |
||
Qaqortoq |
1.458 |
1.469 |
201 |
197 |
11 |
-4 |
||
Narsaq |
727 |
691 |
174 |
162 |
-36 |
-12 |
||
Paamiut |
641 |
627 |
154 |
169 |
-14 |
15 |
||
Nuuk |
8.712 |
9.045 |
923 |
708 |
333 |
-215 |
||
Maniitsoq |
1.451 |
1.545 |
227 |
209 |
94 |
-18 |
||
Sisimiut |
3.025 |
3.009 |
339 |
343 |
-16 |
4 |
||
Kangaatsiaq |
428 |
446 |
139 |
136 |
18 |
-3 |
||
Aasiaat |
1.353 |
1.373 |
213 |
172 |
20 |
-41 |
||
Qasigiannguit |
593 |
546 |
82 |
93 |
-47 |
11 |
||
Ilulissat |
2.218 |
2.211 |
278 |
258 |
-7 |
-20 |
||
Qeqertarsuaq |
377 |
375 |
59 |
67 |
-2 |
8 |
||
Uummannaq |
1.020 |
1.070 |
174 |
158 |
50 |
-16 |
||
Upernavik |
1.030 |
1.086 |
218 |
164 |
56 |
-54 |
||
Qaanaaq |
264 |
261 |
108 |
91 |
-3 |
-17 |
||
Tasiilaq |
962 |
962 |
260 |
327 |
0 |
67 |
||
Ittoqqortoormiit |
137 |
146 |
50 |
38 |
9 |
-12 |
||
Malugiuk: Najugaqavissut 15-it sinnerlugit ukiullit suliffilittut naatsorsuutigineqarput. Suliffissarsiortutut nalunaarsukkat tassaapput 18-it 64-illu akornnanni ukiullit najugarisap allassimaffianik piumasaqarfigineqanngitsut. Immikkut maluginiaqquneqarpoq inuk qaammatip ataatsip ingerlanerani suliffeqartutut aamma suliffissarsiortutut nalunaarutigineqarsimasinnaanera aamma suliffissaaleqinerup annertussusaa tabeli atorlugu suliarineqarsinnaanngitsoq. |
|
1 Nuna tamakkerlugu suliffeqarnermut Ivittuut aamma piffiit kommunit avataaniittut ilaapput. Suliffissarsiortutut nalunaarsukkani Nuna tamakkerlugu-mi distriktit tabelimi allaqqasut kisimik pineqarput. |
||||||
Nuummi nunaqarfiinilu suliffiit 333-nik amerlisimallutik amerliffiunerpaasimapput. Maniitsumi nunaqarfiinilu sulisut 94-inik amerlisimallutik aamma amerliffiungaatsiarsimapput, 2015-imi Uummannami aamma Upernavimmi nunaqarfiinilu sulisut amerlingaatsiarsimapputtaaq. Uummannami, Upernavimmi Maniitsumilu aalisartut aalisarnermullu tunngasuteqartunik sulineq pissutaanerulluni suliffiit amerlisimapput. Distriktit tamarmik suliffinnik amerleriarfiunngillat ingammik Qasigiannguani Narsamilu nunaqarfiinilu tamanna misinnarpoq suliffiit ikilingaatsiarsimammata.
Ilanngullugu nassuiaatigineqarsinnaavoq suliffissarsiortutut nalunaarsukkat nuna tamakkerlugu suliffeqarfiit ineriartornerannik ersersitsisarnerat. Tabel 2-mi erserpoq distriktini (illoqarfiit nunaqarfiillu ataatsimoortillugit) kisitsisit assigiinngiiaarnerat. Distriktini suliffissarsiortutut nalunaarsukkat ikilisimasinnaasut suliffiit aamma ikilisimapput, Tasiilami nunaqarfiinilu suliffissarsiortutut nalunaarsukkat amerlisimasut uffa suliffiit allanngorsimanngitsut.
Saqqummersitaq ”2015-imi suliffeqarneq” pdf filinngorlugu Naatsorsueqqisaartarfiup nittartagaanut www.stat.gl-imut aaneqarsinnaavoq, Naatsorsueqqissaartarfiup kisitsisaataasivianut bank.stat.gl-imut aamma kisitsisinik aallertoqarsinnaavoq
Paasissutissanik annertunerusunik uunga paasiniaasoqarsinnaavoq; Naatsorsueqqissaartarfiup pisortaa Anders Blaabjerg oqar. 34 57 82 imaluunniit Kisitsisitigut paasissutissalerisoq Søren W. Børgesen emailikkut attaveqarfigalugu uunga: swbo@stat.gl.